Shocking Video Viral : હવામાં રાઈડ અટકતાં લોકો અનેકવાર સુધી ઉલટા લટકાયા, રૂવાડા ઊભા કરી દે તેવો વીડિયો વાયરલ...

06:01 PM January 07, 2024 admin

Shocking Video Viral : જ્યારે લોકો પોતાના પરિવાર સાથે મેળામાં જાય છે ત્યારે રાઈડ્સ પર બેસીને તેનો આનંદ લેવાનું ભૂલતા નથી. લોકોને સ્વાદિષ્ટ વાનગીઓ ખાવાની સાથે અવનવી રાઈડ્સ પર બેસીને રોમાંચિત અનુભવ ગમે છે, પરંતુ ક્યારેક રાઈડ્સમાં અપ્રિય ઘટના બને છે, જેના કારણે લોકોના જીવ જોખમમાં મુકાય છે.

તમારા રૂવાડાં ઊભા કરી દે તેવો વીડિયો સોશિયલ મીડિયા પર ઝડપથી વાઈરલ થઈ રહ્યો છે. જેમાં જોઈ શકાય છે કે, કેટલાક લોકો એમ્યુઝમેન્ટ પાર્કમાં આનંદથી રાઈડ્સનો આનંદ માણી રહ્યા હતા, ત્યારે અચાનક જ ઝૂલો હવામાં ફસાઈ ગયો હતો, જેના કારણે તેમાં બેઠેલા લોકો ઊંધા લટકી ગયા હતા. લાંબા સમય સુધી હવામાં લટકાતા અનેક લોકોના શ્વાસ અધ્ધર થઈ ગયા હતા.

► લોકો હવામાં ઊંધા લટકાયા

ઈન્સ્ટાગ્રામ પર શેર કરવામાં આવેલા વીડિયોમાં જોઈ શકાય છે કે એક ઝૂલો સંપૂર્ણ રીતે ગોળ ફરી રહ્યો છે, જેના પર લોકો બેઠા છે. આ સ્વિંગ ગોળાકાર ગતિમાં ઉપરથી નીચે સુધી ફરે છે, પરંતુ તે મધ્ય હવામાં અટકી જાય છે. હવામાં અટવાઈ જવાના કારણે લોકો લાંબા સમય સુધી હવામાં ઉંધા લટકતા રહી જાય છે. જેના લીધે અનેક લોકોની હાલત ગંભીર થઈ જાય છે. હાલ આ વીડિયો ક્યાંનો છે તે અંગે કોઈ માહિતી મળી નથી. પરંતુ આ વીડિયો સોશિયલ મીડિયા પર ખુબ જ વાયરલ થઈ રહ્યો છે.